1. maj 2025-mit kommunit VISO-mi immikkoortortaq aalajangersimasoq, kalaallit oqaasiinik aamma kulturiannik immikkut ilisimasaqarfiusoq atussallugu pisussaaffeqalersinnaapput. Tamanna naalakkersuisunit 6. februar inatsisissatut siunnersuutigineqartup, Folketingimi akuerineqarnissaanik piumasaqaatitaqarpoq.
Pisussaaffeqarneq suliani Danmarkimi ilaqutariit kalaallit meeraannik imaluunniit inuusuttortaannik angerlarsimaffiup avataani inissiisoqarnissaanik isumaliuteqartoqarneranik sulianut tunngavoq.
Inatsisissatut siunnersuut aamma VISO-mi immikkoortortap inissiinissamik suliat maanna ingerlasut, tarnikkut pissutsinik misissuinernik nalinginnaasunik, kalaallit oqaasiinut aamma kulturiannut naleqqussarneqarsimanngitsunik ingerlatsiffiusimasunik misissuinissamik aamma imaqarpoq.
Meeraq pillugu inatsimmi allannguineq akuerineqareerpat, inatsisit nutaat pillugit VISO paasissutissiiniarpoq.